BE.340 Logu no.65
HAMU SALUHUT HALAK

Ayat 1
Tibu ma ro tingkingku Lao bongot tu bagashu Di hasonangan i
Hamuna natorashu Ndang jadi andunganmu Au na manopot Surgo i

Ayat 2
Jempek tutu ngolungku Dumenggan do jambarhu Na sian Debata
Ndang songgop be sahithu ndang tubu be arsakku Las rohangki sambing nama

Ayat 3
Ndang leleng dipasombu Tuhanta au mangolu Di partangisan on
Ianggo mate iba Di haposoonniba Tau las ni roha i tongtong

Ayat 4
Ndang au be hahuaon Ni nasa hajahaton Na di portibi on
Tung ise mangarsahi Sude na sonang muli Tu hasonangan na tongtong ?

Ayat 5
Las rohamu najolo Marnida pangalaho Ni anakmuna on
Nuaeng tutu ma marsak Hamu dibaen dakdanak Na bongot tu tanoman on.

Ayat 6
Padirgak ulumuna Tumatap Amamuna Sai unduk ma hamu
Di nasa pambaenanna Na sai tongtong marhata Asa tarapul rohamu.

Ayat 7
Diboto Debatanta Na tau hangoluanta Sitongosonna i.
Ndang dung adong na masa Na so pinatupana Tongtong denggan do i sude

Ayat 8
Ai molo sogot jumpang Hamu au di na sonang Marulos na bontar
Marsanggul hangoluan Marmare hamonangan Disi ma i muse patar.

Ayat 9
Disi ma pujionmu Rap dohot au, anakmu Tuhanta Jesus i
Ipe sai hadengganhon Nuaeng sude pambaenan Ni Debata Amanta i.
